ساحل البحر المتوسط المصرى او كما هو مشهور بـالساحل الشمالى هى منطقه فى شمال مصر بتمتد على 1050 كم من اول رفح فى شرق مصر لحد السلوم فى اقصى غرب مصر على الحدود الليبيه.الساحل الشمالى بيعتبر واحد من اطول السواحل اللى بتطل على البحر المتوسط فى منطقة شمال افريقيا. اسكندريه بتعتبر اهم مدن الساحل الشمالى و كانت مركز للتبادل التجارى و للنقل البحرى ما بين مصر و جيرانها من دول البحر المتوسط و جوه مصر نفسها ما بين مدينة اسكندريه و بقية المدن المصريه.